ବରଗଡ ଠାରେ ସଂଗ୍ରାହକ ସତ୍ୟକେତନ ମହାନ୍ତି ଙ୍କ ଦି ୱଣ୍ଡର ମିନେରାଲସ ନାମକ ଖଣିଜ ରତ୍ନ ପ୍ରଦର୍ଶନୀ।
*************************************
ବରଗଡ : ଆଜି ବରଗଡ କଲ୍ୟାଣ ମଣ୍ଡପ ଠାରେ ସଂଗ୍ରାହକ ଡ. ସତ୍ୟକେତନ ମହାନ୍ତି ଙ୍କ ଦ୍ବାରା "The Wonder Minerals" ନାମକ ଏକ ଖଣିଜ ରତ୍ନ ଓ ବିଭିନ୍ନ ଅମୂଲ୍ୟ ସାମଗ୍ରୀ ର ପ୍ରଦର୍ଶନୀ ଅନୁଷ୍ଠିତ ହୋଇଯାଇଅଛି l ଯେଉଁଠାରେ ୮୫୦ ରୁ ଅଧିକ ପ୍ରକାରର ଖଣିଜ ରତ୍ନ ଏବଂ ୧୧୦୦ ରୁ ଉର୍ଦ୍ଧ୍ବ ସାମଗ୍ରୀ ପ୍ରଦର୍ଶିତ କରାଯାଇଥିଲା l ଉକ୍ତ କାର୍ଯ୍ୟକ୍ରମ ରେ ଭାରତ ତଥା ବହିର୍ଭାରତ ରୁ ସଂଗୃହିତ ବିଭିନ୍ନ ଖଣିଜ ପଥର ପ୍ରଦର୍ଶୀତ କରାଯାଇଥିଲା । ଡ.ମହାନ୍ତି ଙ୍କ ନିକଟରେ ପ୍ରାୟ ୧୪ ପ୍ରକାର ବିଭାଗରେ ୧୭୦୦୦ ରୁ ଉର୍ଧ ସାମଗ୍ରୀ ଉପଲବ୍ଧ ଅଛି, ତନ୍ମଧ୍ୟରୁ ଗୋଟିଏ ବିଭାଗର ଆଜି ପ୍ରଦର୍ଶନୀ ଥିଲା l ଏହି ପ୍ରଦର୍ଶନୀରେ କାଭାନ୍ସାଇଟ୍ , ଫ୍ଲୋରାଇଟ୍ ,ଆପୋଫାଇଲାଇଟ୍ ଷ୍ଟିଲବାଇଟ୍ , ମେଲାକନାଇଟ୍,ଆରାଗୋନାଇଟ,କାୟାନାଇଟ୍, ପ୍ରବାଳ ପରିବାର, ପାଇରାଇଟ୍ ପରିବାର ,
ଆଗେଟ୍ ପରିବାର , ଆଷ୍ଟ୍ରୋଲାଇଟ୍ ( ଜ୍ୟୋତିଷ ପରିବାର ) , ଆମେଥାଇଷ୍ଟ ପ୍ରଭୃତି ଶ୍ରେଣୀ ର ପଥର ସଂଗ୍ରହ ଏହି ପ୍ରଦର୍ଶନୀ ରେ ପ୍ରଦର୍ଶିତ ହୋଇଥିଲା ।ସେ ୨୦୧୩ ରେ ସାଙ୍କେତିକ ମୁଦ୍ରା ଓ ୨୦୧୪ ରେ ସାମୁଦ୍ରିକ ଶଙ୍ଖ ସଂଗ୍ରହ ପାଇଁ ଇଣ୍ଡିଆ ବୁକ ଅଫ ରେକର୍ଡ , ୨୦୧୯ ରେ World Record University, Vietnam Dr. Lit ଉପାଧି ପାଇଛନ୍ତି l ସୂଚନା ଯୋଗ୍ୟ ଯେ , ଆଜିର ପ୍ରଦର୍ଶନୀ ମାଧ୍ୟମରେ ଇଣ୍ଟରନେସନାଲ ବୁକ ଅଫ ରେକର୍ଡ (International Book of Record) ଦ୍ୱାରା ବିଶ୍ୱ ରେକର୍ଡ ସ୍ଥାପନ କରିବେ l
ଉକ୍ତ ପ୍ରଦର୍ଶନୀ କୁ ମୁଖ୍ୟ ଅତିଥି ରୂପେ ଯୋଗଦେଇ ବରଗଡ ସାଂସଦ ପ୍ରଦୀପ ପୁରୋହିତ ଉଦ୍ଘାଟନ କରିଥିଲେ l ସମ୍ମାନିତ ଅତିଥି ରୂପେ ପଦ୍ମଶ୍ରୀ ଡ. ଜିତେନ୍ଦ୍ର ହରିପାଲ, ପୁର୍ବତନ ସାଂସଦ ତଥା ଓଡିଶା ଷ୍ଟେଟ ମିଉଜିଅମ ର ପର୍ବତନ
କ୍ୟୁରେଟର ଡ. ପ୍ରଭାସ ସିଂ, ଆର୍କିଓଲୋଜିକାଲ ସର୍ଭେ ଅଫ ଇଣ୍ଡିଆ ର ଆର୍କିଓଲୋଜିଷ୍ଟ ଡ. ବି. ଗଡ଼ନାୟକ, ସମ୍ବଲପୁର ବିଶ୍ବବଦ୍ୟାଳୟର ଆର୍ଥ ସାଇନ୍ସ ବିଭାଗ ମୁଖ୍ୟ ପ୍ରଫେସର ଡ ଦୁର୍ଯୋଧନ ବେହେରା , ସମ୍ବଲପୁର ବିଶ୍ବବଦ୍ୟାଳୟର ସ୍କୁଲ ଅଫ କେମେଷ୍ଟ୍ରୀ ର ଡ. ପ୍ରଭାତ କୁମାର ସାହୁ ,ବରିଷ୍ଠ ସାମ୍ବାଦିକ ସୁରେନ୍ଦ୍ର ହୋତା , ଭୁବନେଶ୍ୱର ରୁ
ସାଇନ୍ସ କମ୍ୟୁନିକେଟର ଲକ୍ଷ୍ମୀ ନାରାୟଣ ବକ୍ସି,
 |
| AD |
ବରିଷ୍ଠ ଆଇନଜୀବୀ ଅନନ୍ତ ସୟନ ପାଢ଼ୀ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ସଭା ପରିଚାଳନା କରିଥିଲେ ପ୍ରକୃତି ପ୍ରେମ ର ସାଧାରଣ ସମ୍ପାଦକ ଉପାନନ୍ଦ ସରକାର । ମୁଖ୍ୟ ଅତିଥି ତାଙ୍କ ମନ୍ତବ୍ୟ ରେ ସତ୍ୟକେତନ ଙ୍କ କାର୍ଯ୍ୟ କୁ ବିଶେଷ ଭାବରେ ପ୍ରଶଂସା କରିବା ସହ ପଶ୍ଚିମ ଓଡ଼ିଶାର ଗୌରବ ତଥା ଉକ୍ତ ଅଂଚଳରେ ସଂଗ୍ରହାଳୟ ସ୍ଥାପନ ପାଇଁ ପୁର୍ଣ ସହଯୋଗ କରିବେ ବୋଲି ପ୍ରତିଶୃତି ଦେଇଛନ୍ତି l ସମସ୍ତ ଅତିଥି ମାନଙ୍କୁ ଏହି ରତ୍ନ ପଥର ଯୁକ୍ତ ସ୍ମାରକୀ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ପ୍ରଦର୍ଶିନି କୁ ସ୍ଥାନୀୟ ଜନ ସାଧାରଣ ତଥା ବିଭିନ୍ନ ସ୍କୁଲ କଲେଜ ର ଛାତ୍ର ଛାତ୍ରୀ ମାନେ ବୁଲି ଦେଖିବା ସହ ଶ୍ରୀ ମହାନ୍ତି ଙ୍କ ସଂଗ୍ରହ ର ଭୂୟସୀ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମ ରେ
ପ୍ରକୃତି ପ୍ରେମ ସଦସ୍ୟ ବୃନ୍ଦ ବିଜୟ ମହାନ୍ତି, ମୁନୁ ସାହୁ, ଲିଟନ , ହାପିପି , ଦୀପକ, ଅମନ , ପ୍ରମୋଦ, ସୁଖ, ସଂଜୀବ , ଅସିତ, ଖିରୋଦ, ରୀଙ୍କୁ ଓ ଅନେକ ଅନ୍ୟ ସଦସ୍ୟ ସହଯୋଗ କରିଥିଲେ।
